الدنيا

ساعات يقولولي اضحك لدنيا تضحكلك ..

تتبسملك وتفرحلك ..

بايدها تعليك وتجنحلك ..

كلمها توا تعيطلك اشطح معها توا تزغرطلك ،دربكلها توا تشمسلك ..

يقولولي ابتهج لهدنيا الخايبة العايبة ..ها الدنيا الي ما ترحم حد لا فقير ولا غني ..

يقولوا عوم معاها وتبعها وين ماشية وجاية... 

 اركب معها وهوم بين الثنايا ..

حبها ودللها وكان لزم اكذب عليها وتبسملها ..

متخليهاش تخونك و الا تغرك ،و من صحتك تسلبك ومن عقلك تخرجك ومن روحك تفددك...

وفي عبادها تكرهك ومن روحها تنفرك وتبعدك وفي اصحابك تشكك وفي قلبك تجرحك وبقسواتها تحرمك وبفتراتها المتقلبة تسيبك ..

تضحك عليك بايامتها وتحطمك..

تعبك لين تكسرك..

يقولولي اوقفلها وحاربها ...

اكبس عليها واقتلها ..

صارعها واهزمها ..

تعارك معاها وسامحها ..

بوسها واكرها ...

حبها وبكيها..

ادخللها للاسرارها واقتحمها ...

وريها قوة روحك ..وجهد صحتك ..وقدرة صبرك ..وريها الي انت متتهدش وفي عزيمتك مكبش وعلى قوة داخلك متحبش ..

وريها انت شكون وريها الي روحك لاتعرف تخدر ولا تخون ..

تخبي دموعها تحت الجفون ..

تسهر الليالي تبكي وتفرغ وجع قلبها المغبون ..

تعوم في ذكرياتها وغدوى تكون ..

على وعدها تصون.. 

تخبي البكاء في اعماق السجون..

 تفرح مع الناس كاينوا لا كان ولا يكون.. 

تحارب وتقاوم و تقوم .. 

يقولولي الي الدنيا بحر وكان مكش عوام راك في خطر ..

بين امواجها اعمل سطر ..

واردم تعبك وسط الحفر ..

يقولولي الي الدنيا كتاب تصفح ورقاتها وانسى الجرح والعذاب ..

عيشها وطير معها ..

حبها وزيد حبها لانها دنيتك ولازمك تعيشها وتعمرها ..

اغرسلها توا تزهرلك ..

بكل ثيقة خليك فيها غايش ..

بركزاتها الدنيا تقتلك ..

لكن في الاخير تعلمك تعيش امير وسط مشاغلها موش حقير ...ولا ذليل ..

كي تطيح بيك تركب على الخيل...

وقوتك تضاهي طيور الابابيل ...

بش تحاربها و تعيشش سلطان زمانك خليك انسان باخلاقك مزيان وبروحك الخفيفة دريان...